有無試過拎住張飛，都唔太知套戲會做咩？亦都唔知自己做緊咩？我試過，我真係試過。
我拎住中英劇團嘅飛，走入劇院，拎起份場刊，望咗望——「關於面對藝術生涯⋯⋯我無意間⋯⋯」我細細聲講咗句：「咩名嚟㗎？咁難讀嘅？」
「係《關於面對藝術生涯危機的我無意間成為拯救周年演出勇者的那件事》，簡稱《那件事》。」我隔離一個留住鬚嘅男人無喇喇咁同我講。I人嘅我，有啲尷尬咁同佢點點頭，就冇再理佢。點知個男人愈哄愈前，笑笑口咁問我：「你知唔知套劇講咩？」
「其實我都唔係好知。」極有可能中伏嘅我，決定即刻起身，止蝕離場！！！但台上嘅燈光慢慢開著，保安講咗句：「先生請你坐返低。」我唯有尷尷尬尬咁坐返低。
演員一出場就唱歌跳舞？呢套歌舞劇嚟嘅咩？？？好多問號係我個腦入邊出現，我搞唔清楚發生咩事，但睇睇吓又覺得⋯⋯都幾好睇喎；又只不過，心理嘅快意彌補唔到生理嘅需求。人有三急，我只好急急腳搵廁所，但搵極都搵唔到嘅我只好開口問人。我跟住人聲嘅方向，搵到一道門。
我一推開門，就見到⋯⋯有個人拎住本劇本係咁背？有個人係到舉緊啞鈴？嘩，有個人拎住本《演員的自我修養》，拜緊⋯⋯拜緊⋯⋯戲劇之神？咩事呀？？？「唔該借借！」幾個著住黑衫嘅工作人員一手拎戲服，一手拎道具，快快手咁幫演員quick change。「點算呀！！？出邊已經dead咗成分鐘喇！！」一個兇神惡煞嘅男人突然衝埋嚟，伸出手，好似想「壁咚」我咁。我仲未load到發生咩事，佢已經拎走咗我身後嘅結他，跑得仲快過保特咁衝咗上台。
呢個就係，關於中英劇團觀眾嘅我睇《關於面對藝術生涯危機的我無意間成為拯救周年演出勇者的那件事》嗰時無意間闖入後台嘅嗰件事。呢套劇採用後設形式畀各位劇團團員喺劇中飾演返自己即係一齊準備《那件事》呢套劇中劇which唔單止係紀念中英劇團45周年嘅演出亦都係向藝術工作者嘅致敬等觀眾除咗同團員一齊經歷搞盡腦汁都諗唔到橋嘅痛苦更加可以感受到演出期間前後台人員點樣秉承住「The Show Must Go On」死唔斷氣嘅精神將最好嘅演出帶畀觀眾！
想一齊走過呢個蕩氣迴腸嘅創作之旅，就快啲買飛啦！
－－－
舞台劇《關於面對藝術生涯危機的我無意間成為拯救周年演出勇者的那件事》
日期｜2024年6月21至23日
地點｜西九文化區自由空間大盒
票價｜$340、$220
購票｜見 @excohk bio link
－－－
文：#excohk_bhp（本評論僅屬個人意見）
遊展 @excohk 歡迎任何形式的推廣、媒體合作和活動策劃等邀請。期待與我一起探索新的意念，共同成長。
Comentários